【PY100】ECON 經濟篇 – (1) 稀少性 Scarcity

培銳教育將會開設新嘅文章分類—「生活經濟」，喺嚟緊嘅篇章我哋將會以生活例子說明各種經濟原理。喺首篇，我哋就會首先簡介一個經濟中最基礎嘅概念—稀少性（Scarcity）。係講述稀少性（Scarcity）之前，我哋首先需要了解慾望（Wants）同資源（Resources）兩個概念。

慾望嘅意思係人類對於任何事物嘅渴望，佢可以分為對具體事物嘅慾望及無形嘅慾望。具體慾望嘅意思就好簡單，佢指嘅係對於一啲我哋生活上會見到嘅事物例如電子產品、服飾及美食等等。當然，我哋對一啲唔具有實體嘅事物，例如音樂、藝術等等嘅慾望亦都可以稱為具體慾望。而無形慾望嘅意思就係指我哋一啲抽象慾望，例如認識朋友及自我實現等等。慾望係唔需要有任何購買力支持，只要我哋對依樣嘢有所追求，希望獲得及擁有嗰樣嘢就可以被稱為慾望。因此慾望係無窮無盡，可能當我哋追求到某一個事物之後，我哋就會想再追求另一樣事物。

慾望：人類對於任何事物的渴求。1. 具體慾望：人類對實質事物的慾望。2. 無形慾望：人類對抽象事物的慾望。慾望是無限的。

然後，資源嘅意思就係一切能夠滿足人類慾望嘅事物。資源可以分為可再生資源及不可再生資源。可再生資源指該種資源再生嘅速度快於或等於消耗速度，因此可再生資源在速度不變下是不會耗盡。例子包括太陽能及氧氣。而不可再生資源指該總資源再生嘅速度低於消耗速度，因此不可再生資源會有耗盡的一天。例子包括化石燃料。喺經濟學嚟講，不可再生資源係有限的，佢哋會喺可見未來嘅某一日無法像滿足人類嘅慾望。

資源：一切能夠滿足人類慾望的事物。 可再生資源：資源再生速度快於或等於消耗速度。 不可再生資源：資源再生速度低於消耗速度。 不可再生資源是有限的。

歸納兩者，稀少性就係指資源有限而慾望無限嘅情況。一般我哋會稱稀少性依個概念係一個相對概念，亦都即係話我哋唔係睇資源同慾望兩者嘅個別數目，而係睇資源嘅數目能能夠大於或等於慾望嘅數目。具體來講，就算資源嘅數量十分龐大，例如我哋擁有近一萬億公噸嘅煤炭，喺人類對於能源嘅需求不斷增加底下，我哋仍然面對稀少性—我哋將會喺未來嘅某一日耗盡所有煤炭，出現能源危機。因此喺慾望必然係無限而大部份資源係不可再生嘅情況底下，我哋每一個人都會面對稀少性依一個問題。而呢個問題並唔係貧窮或者富有之別，無論貧富，我哋每一個人都需要面對稀少性。

稀少性：資源有限而慾望無限的情況。每人皆面對稀少性的問題，不論貧富。

當我哋初步了解到稀少性依一個概念後，我哋就會了解到點解會有經濟學一門嘅學問。經濟學係去研究同分析唔同人點樣去面對稀少性嘅問題，利用有限嘅資源離去滿足最多嘅慾望。因此，我哋將會喺下一篇講及稀少性延伸嘅概念，了解稀少性點樣影響到我哋嘅日常決定。

詳情：https://py.education/course/hkdse/econ

如需轉載，請電郵至 [email protected] 查詢。