上篇講到資產 (Asset)，今次就會講到負債 (Liability) 及權益 (Equity) / 資本 (Capital)。事不而遲，即刻開始！
負債 (Liability)
“A liability is a present obligation of the enterprise arising from past events, the settlement of which is expected to result in an outflow from the enterprise of resources embodying economic benefits.”
「由於過去的交易或事項所引起的企業現有債務，這種債務需要企業在將來以其資源加以清償，從而引起未來經濟利益的流出。」
定義中，重點有三：
1. 過去的交易或事項所引起 (Arising from past events)過去的交易或事項所引 (Arising from past events) 起既意思其實唔難，簡單啲來講就係有前因就有後果，舉個例子，當公司向一個供應商買貨嘅時候，我哋可能用之前講過嘅賒帳交易去買貨，所以當我地拎咗供應商嘅貨品嘅時候，我哋就會形成左一個責任需要係日後清還我哋嘅貨款。因此，每一項嘅負債我哋都可以根據以往嘅交易得知欠嘅原因。
- 應付貨款 (Trade payables) 就係因為向供應商賒購貨品而產生。
2. 現有債務 (Present obligation)現有債務 (Present obligation) 嘅意思就係指債務已經存在，例如喺我哋買貨嘅時候會簽定合同，合同具有法律義務令企業具義務要繳交貨款。因此，除非供應商出現咗問題，例如運送錯咗貨品或者貨不對辦，當供應商完成咗責任—即托運貨品俾我哋之後，我哋就必須履行承諾係指定嘅期限還款。我哋可以以未來債務 (Future obligation) 去加以對比，未來債務嘅意思係指當未來出現咗某個事項嘅時候，亦都即係特定條件形成先會產生債務。例如公司同客戶正處理法律糾紛，喺法庭作出判決之前，公司都有可能被認為需要作出賠償，但由於呢個賠償並唔係已經判決，我哋只可以將呢樣嘢視為一個未來可能出現嘅債務。
3. 引起未來經濟利益的流出 (Expected to result in an outflow of resources embodying economic benefits)引起未來經濟利益的流出 (Expected to result in an outflow of resources embodying economic benefits) 係指，當公司償還債務嘅時候會令到公司嘅資產減少，亦都即係喺未來依啲資產本應能夠賺取嘅經濟價值將會交予對方。舉例，當企業償還貨款俾供應商，所支付嘅金額將會是指為公司失去某項資產之控制，亦都即係個筆款項唔再可以由公司使用賺錢。
以下係一啲常見既項目 (Item)：1. 應付帳款 (Payable) / 債權人 (Creditor)佢嘅意思係指公司欠一個第三方之款項，而款項會喺特定期限到之前償還比第三方。
- 應付貨款 (Trade payable) 係指企業購買供應商之貨物或服務而未付錢，係應付帳款 (Payable) 主要既部分。
- 其他應付帳款 (Other payable / Sundry payable) 指其他原因而欠他人錢，例如購買新家具而未比錢家具公司，係應付帳款 (Payable) 既其餘部分。
2. 銀行透支 (Overdraft)喺上一次我哋有講到銀行戶口，其中一個情況就係當銀行嘅提款大於銀行嘅存款嘅時候，銀行戶口就會有負結餘，亦即係我哋嘅透支。負結餘嘅部份反映緊銀行代為繳付嘅金額，亦都即係代表左企業向銀行借款，因此屬於負債。
3. 債權人貸款 (Loan from creditor)當企業嘅東主未能夠為企業提供新嘅資金，公司或會考慮向債權人借款。常見嘅借款對象包括銀行及親友，因此就會有負債項目例如銀行貸款及某人之貸款出現。
權益 Equity / 資本 Capital
“Residual value of assets after deduction of liabilities.”
「資產價值減去負債之後之殘值。」
對於學生係啱啱開始接觸會計而言，權益 (Equity) / 資本 (Capital) 往往係最容易了解錯既項目。權益 / 資本之多少最主要係取決於公司嘅資產 (Assets) 減去負債 (Liabilities) 之後嘅價值有幾多，而好多學生往往認為權益 / 資本就係等於老細有幾多錢，某程度上呢個理解唔可以講係完全錯，不過學生應該有一個更清晰既概念──資源淨值 (Net assets)。
如果想更加清晰了解到權益 (Equity) / 資本 (Capital)，我哋就要將權益 / 資本分拆做四個部份：
- 權益 (Equity) / 資本 (Capital)
- 收益 (Revenue)
- 費用 (Expense)
- 提用 (Drawings)
下一篇將會繼續講解以上項目。
BAFS 依科話易唔易，話難唔難，老土啲講就係易學難精。喺「PY100」BAFS會計篇入面，有豐富 BAFS 教學經驗嘅導師將會講解你應該要識但唔識同你以為識但其實唔識既會計知識。總共會寫 100 篇，涵蓋中四至中六嘅 BAFS 會計知識，等各位需要嘅同學可以把握時間預習或者重溫。
培銳教育亦都有提供 BAFS 補習課程，由我地嘅資深導師一次過教你 BAFS 嘅知識同考試技巧，包括公開試常見題目題型同陷阱，獨創手抄 BAFS 筆記模式 (因為啲野喺曬導師個腦入面，好似個 BAFS 資料庫咁)，最後仲有大量 Past Paper 比你操卷操個你死我活。BAFS？其實唔難。
如需轉載，請電郵至 [email protected] 查詢。