立即報名

【PY100】ECON 經濟篇 – (3) 機會成本 Opportunity cost

【PY100】ECON 經濟篇  – (3) 機會成本 Opportunity cost
【PY100】ECON 經濟篇
2021-09-07

上篇我哋了解到總利益及邊際利益嘅概念,係今天我哋就會講到究竟自信兩個概念唔會點樣影響到我哋嘅日常決定。然後,我哋就可以開始講解機會成本。

喺經濟學上,我哋會假定每一個消費者都能夠作出理性決定。而理性嘅意思係指,我哋會將資源嘅價值發揮到最大。如果擬我哋日常接觸嘅事物為例,理性嘅消費者應該能夠善用佢哋嘅金錢,喺考慮到金錢唔同嘅用途後,選擇能夠帶來最大利益嘅選項。因此,我哋日常嘅決定往往都係依據總利益,並且選擇排序中嘅第一位。不過以上說法並唔係最準確,唔同嘅選項佢哋嘅成本亦都唔一樣,因此除咗利益之外,我哋都應該考慮每一個選項佢嘅成本。打個比喻,如果目前我哋正選擇緊我哋租住嘅地方,一個係交通便利亦都同返工嘅地方十分之近,另一個地點就相對交通比較唔方便而且亦都同工作嘅地點有一定距離。考慮兩個選項嘅利益,我哋當然知道前者嘅利益係更加高,但係我哋係現實生活,並唔係一定會選擇前者。主要嘅影響因素就係,前者嘅租金通常都會較為昂貴,喺平衡利益同成本兩者,我哋就有可能會選擇後者。

成本喺經濟學上被定義為作出某一決定而放棄的最高價值選項。以上段租住地方嘅例子嚟講,假若我哋嘅人工有限,無法同時租用兩個地方,選擇任何一個地方租用亦即同時放棄另一個沒有租用嘅地方。回歸稀少性,由於資源有限,無法滿足我哋嘅全部慾望,因此係稀少性底下,我哋作出任何決定都會涉及取捨,亦都即係選擇一個選項時,至少會有另外一個選項被放棄。我哋會量度被放棄嘅選項嘅價值,以此作為某一決定嘅成本。每一個決定多數會牽涉到兩種成本,佢哋包括顯性成本以及隱含成本。顯性成本係指易於觀察嘅付出,普遍喺現代社會都係指付出嘅金錢。而另一隱含成本則指所使用嘅資源損失機會嘅成本。過往係公開試,學生一般會以學習金錢成本及時間成本取代兩者。

成本:作出某一決定而放棄的最高價值選項。成本之總和包括顯性成本以及隱含成本。1. 顯性成本:易於觀察嘅付出,通常稱為金錢成本。2. 隱含成本:所使用資源損失機會的成本,通常稱為時間成本。

結合兩者,理性嘅消費者會選擇利益大於或等如成本嘅決定。回應啱啱嘅例子,租用交通方便嘅地方抑或係租用租金較低嘅地方往往取決於租用者嘅成本。如果有一位公司嘅主管,佢嘅工資較為高同時佢嘅時間亦都需要用嚟應付一啲較重要嘅工作,租用方便返工嘅地方對於佢而言,利益大於成本,因此佢會選擇租用前者。而如果而家我哋講緊嘅係一個新入職嘅基礎員工,佢嘅工資相對較低而佢嘅時間亦都唔需要用於處理重要嘅工作,佢就更加可能會揀租金較平嘅地方,因為對於佢來講前者嘅成本大於利益,但後者嘅利益大於成本,節省嘅租金可以用於其他地方。

理性決定:利益大於或等如成本的決定。

而更加準確來講,我哋喺理性決定上所指嘅利益同成本,佢哋分別係指邊際利益同邊際成本。邊際利益係更早之前我哋已經講過,而邊際成本就係指當我哋作出一個決定時額外所付出嘅成本。因此,我哋作出決定嘅時候,假若該成本係無論是否作出該決定都需要付出,咁依一種嘅成本我哋就唔需要考慮在內。例子包括已經購買左嘅電影戲飛,雖然購買電影戲飛涉及金錢成本,但如果我哋而家決定緊是否入場觀看電影嘅時候,依一項嘅金錢成本係我哋決定是或否時都已經存在,由於依項成本唔會因為我哋嘅決定而改變,我哋就唔應該考慮依項金錢成本。

理性決定:邊際利益大於或等如邊際成本的決定。

喺下篇,我哋將會更加詳盡講到利益同成本會點樣影響到我哋嘅決定,我哋將會舉一啲日常例子以及過往考題作為參考,以上都可以令到你哋會更加明白利益同成本嘅概念。


詳情:https://py.education/course/hkdse/econ

如需轉載,請電郵至 [email protected] 查詢。

經濟 (Economics)