立即報名

【PY100】BAFS 會計篇 – (3) 權益 (資本) 之延伸 Extension of Equity (Capital)

【PY100】BAFS 會計篇 – (3) 權益 (資本) 之延伸 Extension of Equity (Capital)
【PY100】BAFS 會計篇
2020-10-28

上篇講到負債 (Liability) 以及簡介咗權益 (Equity) / 資本 (Capital),今次就會繼續討論收益 (Revenue)、費用 (Expense) 以及提用 (Drawings)。

權益 Equity / 資本 Capital

“Residual value of assets after deduction of liabilities.”
「資產價值減去負債之後之殘值。」

從定義上去睇,權益 (Equity) 嘅增加可以係因為資產 (Asset) 總值增加或者負債 (Liability) 總值減少,我哋簡單可以透過以下嘅例子去了解權益點樣增加:

1. 資產 (Asset) 總值增加首先第一個最容易去理解嘅例子就會係賣貨,當我哋買貨嘅時候就會收取客戶錢,呢一筆外來嘅資產會令資產總值增加所以我哋嘅權益亦都會相應增加。

  • 現金 (Cash) 增加。
  • 資產淨值 (Net assets) 増加。
  • 權益 (Equity) 增加。

2. 負債 (Liability) 總值減少第二個我哋會用嘅例子就係東主幫公司償還公司債務,當公司東主以個人資產,例如私人銀行存款償還公司債務,公司嘅嘅負債總額就會減少,所以我哋嘅權益就會相應增加。

  • 應付貨款 (Trade payables) 減少。
  • 資產淨值 (Net assets) 増加。
  • 權益 (Equity) 增加。

以上其實我哋就可以簡單了解權益 (Equity) 點樣增加,同一時間其實亦都會發現咗一個問題,當所有嘅影響都會計入權益,我哋就好難以去分辨公司嘅業績、東主注資以及提用等分別對權益嘅影響。所以我哋就會衍生將權益分拆做四個帳戶— 包括資本帳戶 (Capital account)、收益帳戶 (Revenue account)、費用帳戶 (Expense account) 以及提用帳戶 (Drawings account)。

1. 資本帳戶 (Capital account)資本帳戶 (Capital account) 主要用嚟記錄東主注資,當東主注入新嘅資金,資本帳戶餘額就會增加。同時,企業一般會以一年為結算單位,將整個年度嘅收益及費用歸納為企業損益 (Profit and loss),喺年尾嘅時候資本帳戶就會一次性記錄年度嘅損益以及全年嘅提用總額 (Total drawings)。

2. 收益帳戶 (Revenue account)收益帳戶 (Revenue account) 主要用嚟記錄因對外交易以賺取到嘅額外價值,例如賣貨、收租及作定期存款等而賺取額外嘅資產,收益帳戶會將各類交易賺取之總值歸納,於期末結算公司損益。所以收益帳戶並不反映企業於某一刻擁有嘅資產多少,而係反映企業於一段時間內總共曾賺過嘅總額。

3. 費用帳戶 (Expense account)費用帳戶 (Expense account) 主要用嚟記錄因賺取收益而對外付出嘅成本,例如買貨、支付人工以及公司水電,費用帳戶會將各類交易付出之成本歸納,於期末結算公司損益。所以費用帳戶並不反映企業目前結欠,而係反映企業與一段時間內總共曾產生過嘅成本。

4. 提用帳戶 (Drawings account)提用帳戶 (Drawings account) 主要用來記錄東主從企業提取資產自用之總額,例如以公司現金支付東主個人電費,拿取公司汽車供東主家人使用,提用帳戶會將各類東主提取公司資產之總額歸納,於期末結算提用總額。

文字可能未必能夠簡單說明上述嘅內容,我會簡單將公司以上項目歸納做以下圖表,方便學生了解以上四個帳戶嘅運作:

每一個年度內,我哋會將公司對外嘅賺蝕分別記錄喺收益帳戶 (Revenue account) 以及費用帳戶 (Expense account),喺年尾歸納做公司嘅損益 (Profit and loss) 並記錄係資本帳戶 (Capital account)。同時,我哋亦會喺年尾歸納東主嘅總提用 (Total drawings),記錄喺資本帳戶 (Capital account)。所以資本帳戶 (Capital account) 會係周而復始,記錄每一年嘅損益以及提用,更新每一個年度嘅投資總值。

喺第三篇我哋終於簡介完會計嘅基本項目,接下落嚟嘅下一篇將會開始簡介日常交易,將各項交易嘅影響記錄喺T帳戶上。留意我哋嘅 Blog,就可以重新學識乜嘢係會計。


BAFS 依科話易唔易,話難唔難,老土啲講就係易學難精。喺「PY100」BAFS會計篇入面,有豐富 BAFS 教學經驗嘅導師將會講解你應該要識但唔識同你以為識但其實唔識既會計知識。總共會寫 100 篇,涵蓋中四至中六嘅 BAFS 會計知識,等各位需要嘅同學可以把握時間預習或者重溫。

培銳教育亦都有提供 BAFS 補習課程,由我地嘅資深導師一次過教你 BAFS 嘅知識同考試技巧,包括公開試常見題目題形同陷阱,獨創手抄 BAFS 筆記模式 (因為啲野喺曬導師個腦入面,好似個 BAFS 資料庫咁),最後仲有大量 Past Paper 比你操卷操個你死我活。BAFS?其實唔難。

詳情:https://py.education/course/hkdse/bafs

如需轉載,請電郵至 [email protected] 查詢。

企業、會計及財務概論 (BAFS)