【PY100】ECON 經濟篇 – (2) 利益 Benefit

喺上篇我哋講解完稀少性依個概念之後，之後我哋將會講到另一我哋喺經濟學上面重要嘅概念—機會成本（Opportunity cost）。同樣係講解機會成本前，我哋亦都需要認識另一個概念—利益（Benefit）。同時，我哋亦都會用到經濟學上一個常用嘅分析技巧—邊際分析（Marginal analysis）。

利益，佢喺經濟學上被認為係從消費中獲得的滿足。因此，利益唔一定需要能夠以數字計算，我哋可以通過比較唔同選項，排列每一個選項嘅利益高低。以日常生活為例子，當我哋外出用膳時，我哋喺餐牌上選擇唔同嘅食物，我哋其實就已經係比較緊唔同食物為我哋帶嚟嘅利益，而呢一種利益就係以邊一樣嘢更加能夠合乎我哋嘅口味你去定奪高低。利益可以分為三個量度，總利益（Total benefit）、平均利益（Average benefit）以及邊際利益（Marginal benefit）。總利益嘅意思指我哋從消費多項產品或服務時獲得的全部利益。總利益係零消費時亦都係零，而隨着消費越多，總利益亦都會增加。我哋可以以下圖去表達總利益同消費量嘅關係。

我哋嘅生活嘅例子包括：當我哋去食自助餐嘅時候，食嘅嘢越多，我哋就會覺得越滿足，我哋可以以滿足程度去代表上面嘅消費量，以我哋滿足嘅程度去代表總利益。值得留意嘅係，我哋可以留意到總利益嘅曲線斜率係越嚟越低，亦都真係話我哋需要有較多嘅消費量先可以提升到總利益。如果繼續用自助餐作為例子，就好似我哋啱啱開始食嘅時候，開頭食嘅嘢好容易就會令到我哋覺得開心，而去到後期，由於食嘅嘢開始不斷重複，我哋就會開始覺得分別不大，難以獲得新嘅滿足。

依個時候我哋就可以開始去講另一個概念，邊際利益。邊際利益嘅意思係每一單位額外嘅消費量帶來嘅額外得益。另一個講法就係，每一個單位嘅額外消費量可以增加我哋幾多嘅總利益。我哋可以以數式離去表達邊際利益：

以上述嘅總利益曲線觀察，由於總得益上升嘅速度會隨着消費量增加而減慢，我哋可以總結邊際利益亦都應該會取消費量增加以下跌，意思即係只每一個單位嘅消費量帶嚟嘅額外利益會係越來越少。

而平均利益係我哋而家基礎嘅時候未需要用到，我哋將會喺更後期嘅內容上再加以講解。

利益：從消費中獲得的滿足。1. 總利益：消費多項產品或服務時獲得的全部利益。2. 邊際利益：每一單位額外嘅消費量帶來的額外得益。總利益與消費成正比，消費量愈大則總利益愈高。邊際利益與消費成反比，消費量愈高則每新一單位的邊際總利益愈低。

詳情：https://py.education/course/hkdse/econ

如需轉載，請電郵至 [email protected] 查詢。